परिस्थिती नियंत्रणात आणण्यासाठी दिसताक्षणी गोळ्या घालण्याचे आदेश पोलिसांना देण्यात आले आहेत. शहरात सध्या फक्त स्थानिक पोलिस आणि राज्य राखीव पोलिस दलाची एक तुकडी तैनात आहे. मात्र, दंगेखोरांना रोखण्यासाठी पोलिस बळ कमी पडत असल्याचे चित्र आहे. सोमवारी हिंदूत्ववादी संघटनांनी इचलकरंजी बंदचे आवाहन केले होते. सकाळपासूनच त्याला हिंसक वळण लागले. शहरातील शेकडो दुकांनांची मोडतोड करून लुटालूट करण्यात आली. काही ठिकाणी पोलिसांवरही दगडफेक करण्यात आली. जवाहरनगर येथे परस्परविरोधी दोन गटांमध्ये दगडफेक झाल्यानंतर पोलिसांनी अश्रुधूराच्या नळकांड्या फोडल्या.

दुपारी चारच्या सुमारास कोल्हापूरचे जिल्हाधिकारी लक्ष्मीकांत देशमुख आणि जिल्हा पोलिस अधीक्षक यशस्वी यादव यांनी शहरात बैठक घेऊन नागरिकांना शांततेचे आवाहन केले. जमावाने शहरातील धार्मिक स्थळांवरही दगडफेक केली.

अनंत चतुदर्शीच्या विसर्जन मिरवणुकीतील शिवसेनेच्या स्वागत कमानीच्या वादामुळे गेल्या चार दिवसांपासून हे विसर्जन खोळबंले होते. दोन गटात दंगल, भाजपच्या दोघा आमदारांना झालेली अटक पोलिस प्रशासन आणि गणेश उत्सव मंडळाच्या निर्माण झालेला तणाव, या सगळ्या घडामोडीनंतर सध्या शहरात कडक संचारबंदी लागू आहे. त्याचाच अचूक फायदा घेऊन प्रशासनाने प्रचंड पोलिस बंदोबस्तात विसर्जित न झालेल्या गणेशमूर्तींचे विसर्जन करण्याचा निर्णय घेतला होता. त्याप्रमाणे आज सायंकाळी किमान तीनशे सशस्त्र पोलिसांचा फौजफाटा सोबत घेऊन मुख्य रस्त्यांवर अद्यापही ज्या सार्वजनिक मंडळांचे गणपती मंडपातच आहेत, अशा मोठ्या मंडळांच्या गणपतींचे विसर्जन करण्यासाठीची यादीच तयार केली होती आणि याच यादीतील क्रमाप्रमाणे हे विसर्जन सायंकाळनंतर सुरू झाले. संचारबंदी असल्याने यावेळी संबंधित मंडळाचे कार्यकर्ते मंडळाकडे फिरकले देखील नाहीत. रात्री उशिरापर्यंत मोठ्या मंडळाच्या किमान पन्नासभर गणेशमूर्तींचे विसर्जन करण्याचे प्रशासनाचे नियोजन होते.

दगडफेक, जाळपोळ, वाहनांच्या काचा फोडणे, हल्ले चढवणे असे प्रकार सर्रास सुरू आहेत. क्रियाशून्य जिल्हा प्रशासन, पक्षपाती पोलिस यंत्रणा, मतांच्या राजकारणासाठी नेत्यांचे याप्रकरणाकडे दुर्लक्ष यांमुळे सामान्य लोकांना वेठीस धरले जात आहे. सांगली-मिरजेतील ठिकठिकाणच्या मशिदींसमोर पोलिस बंदोबस्त वाढवण्यात आला. तरुणांचे घोळके ‘जय शिवाजी, जय भवानी’ चे नारे देत फिरत आहेत. जाळपोळ झाल्याचे कळताच अगिन्शामक दलाचे बंब येऊन आग विझवतात, पोलिस येऊन हिंसक जमावाला पांगवतात असा खेळ सांगली-मिरजेच्या विविध भागांत तीन दिवस सुरू आहे. विशिष्ट समाजाची दुकाने, दवाखाने फोडणे, वाहनांची मोडतोड करणे हे प्रकारही सुरू आहेत. या प्रकारांमुळे सांगली-मिरजेत सरकारचे अस्तित्व आहे का असा प्रश्न पडतो आहे.

शिवसेना-हिंंदू एकताची मिरजेतील ‘अफझलखानाचा वध’ देखावा असलेली कमान ही या दंगल सुरू होण्याचे निमित्त ठरली. सरकारने या कमानीला आधी परवानगी दिली मात्र, नंतर ती नाकारली. त्यानंतर बुधवारी दुपारी तीन वाजल्यापासून हिंदू-मुस्लिम दंगलीला सुरुवात झाली. दगडफेक, मोडतोड, लाठीमार असे प्रकार उसळल्यावर रात्री शहरात दंगलग्रस्तांची धरपकड झाली. तर, गुरुवारी प्रचंड पोलिस कुमक येथे पोहोचली. मिरजेच्या दंगलीचे लोण हळूहळू सांगली व आजूबाजूच्या गावातून पसरले. मिरजेत गणपतीच्या मूतीर्ंची विटंबना करणाऱ्या, कमानींची नासधूस करणाऱ्या व नाहक दंगल माजवणाऱ्या मुस्लिम समाजकंटकावर कडक कारवाई केल्याशिवाय मिरजेत गणपतींचे विसर्जन केले जाणार नाही, अशी ठाम भूमिका मिरजेतील सार्वजनिक गणपती मंडळानी घेतली. ‘प्रथम कमान उभी करा, मग विसर्जन मिरवणूक’ हा हट्टही त्यांनी धरला आहे. प्रशासनाचा यालाही विरोध आहे. या सर्व पार्श्वभूमीवर अशांतता, अस्वस्थता आणखी किती काळ राहणार असा प्रश्न चिंताग्रस्त नागरिक विचारत आहेत.

याआधी मंगळवारी भोर तालुक्यातील सात वर्षांची मुलगी स्वाइन फ्लूने दगावली . भोर येथील वीरवाडीमध्ये राहाणा-या प्रियांका अंकुश शिळीमकर या सात वर्षांच्या मुलीला २१ ऑगस्टला फ्लू झाला . तिला २८ तारखेला पुण्यात सहकारनगरमधे खाजगी हॉस्पिटलात आणण्यात आले . तेथे उपचार करून तिला घरी सोडले ; मात्र दुस-याच दिवशी तब्येत बिघडल्याने तिला ससूनमध्ये दाखल करण्यात आले . त्यावेळी तिला स्वाइन फ्लूची लागण झाल्याचे स्पष्ट झाले . दोन दिवस ती व्हेंटिलेटरवरच होती . मंगळवारी पहाटे प्रकृती खालावली आणि सकाळी तिचा मृत्यू झाला .

विक्रोळी येथील कन्नमवार नगरातील पालिकेच्या महात्मा ज्योतिबा फुले हॉस्पिटलमध्ये लवकरच सुसज्ज अतिदक्षता केंद उभारले जाणार असून या केंदाच्या कामाचा शुभारंभ मनसे अध्यक्ष राज ठाकरे यांनी केला. त्यानंतर झालेल्या सभेत ते बोलत होते.

कन्नमवार नगरमध्ये डम्पिंग ग्राऊंड आणण्याचे कारस्थान काही लोक करत आहेत. त्या डम्पिंग ग्राऊंडमध्ये या लोकांना गाडून टाकू, असा इशाराही राज यांनी दिला. वांदे-वरळी सी लिंकला राजीव गांधी यांचे नाव सरकारने दिल्याने त्यांना विरोध करण्यासाठी शिवसेना सावरकरांचे नाव पुढे करत आहे मात्र, बाळासाहेबांनी जर दहा वर्षांपूवीर् हे नाव सुचवले होते तर मग सेनेचे आमदार दहा वषेर् गप्प का बसले, असा सवाल त्यांनी केला.

‘मॉल्स आणि बिल्डरच्या वीज दर कपातीचे श्रेय लाटण्याचा प्रयत्न शिवसेना करत आहे मात्र त्यांना माझे जाहीर आव्हान आहे, त्यांनी घरगुती विजेचे दर कमी करावेत. मी त्यांचे जाहीर आभार मानेन. माझे आमदार निवडून आले तर मी सत्तेवर अंकुश ठेवण्याचे काम करेन आणि मनसे शिवाय राज्यात कोणताही पक्ष सत्तेवर बसू शकणार नाही’, याचाही पुनरुच्चार राज यांनी केला.

‘ मार्मिक ’ व्यंगचित्र साप्ताहिकाच्या ५० व्या वर्धापनदिनानिमित्त ख्यातनाम मुलाखतकार सुधीर गाडगीळ यांनी घेतलेल्या बाळासाहेब ठाकरे यांच्या मुलाखतीच्या सीडीज आज शिवसेनेच्या वतीने प्रसिद्धीमाध्यमांना देण्यात आला. गेल्या काही महिन्यांपासून शिवसेनाप्रमुखांची प्रकृती ठीक नाही. परंतु ही मुलाखत पाहताना बाळासाहेब ठाकरे एकदम तंदुरूस्त असल्याचे प्रकर्षाने जाणवले. भगवी कफनी आणि लुंगी अशा वेषात दाढीवाल्या बाळासाहेबांनी गाडगीळांच्या सगळ्या प्रश्नांना अगदी खणखणीत आवाजात उत्तरे दिली. महत्त्वाचे म्हणजे १९४७ सालापासूनचे सगळे संदर्भ त्यांना बिनचूक लक्षात आहेत. एवढेच नव्हे तर पाच-सहा वेळा त्यांनी आपल्या नेहमीच्या स्टाइलने कोपरखळ्याही मारल्या. आगामी विधानसभा निवडणुकांच्या तोंडावर बाळासाहेब ठाकरेंची मुलुखमैदान तोफ पुन्हा धडाडू शकते, याची प्रचिती ही मुलाखत पाहताना आली.

बाळासाहेबांचा हजरजबाबीपणा
या दुखण्यामुळे मी साफ झालो. साफ उतरलो. पूर्वीची ताकद राहिली नाही आता… असे बाळासाहेबांनी मुलाखतीत सांगितले. परंतु त्यांचा जोश, मिश्किलपणा, समोरच्याची फिरकी ताणण्याची सवय अजूनही कायम असल्याचे यानिमित्ताने जाणवले. आजवरचे तुमचे सर्वात आवडते भाषण कोणते, या प्रश्नावर ठाकरे हसत हसत म्हणाले की, असं नाही सांगता येणार. हे म्हणजे आपण पाच-सहा पोरं काढायची आणि त्यातलं लाडकं पोर कुठलं, असं बापालाच विचारण्यासारखं झालं ?बापाला सगळी पोरं सारखीच…

बाळासाहेबांचा मिश्किलपणा
पूर्वी बाळासाहेब लेंगा-सदरा घालायचे, मग गळाबंद जोधपुरी कोट आला. आता भगवी कफनी व लुंगी घालतात. त्यांच्या या कपड्यांमधील बदलाबाबत गाडगीळांनी छेडले तेव्हा बाळासाहेबांनी मिश्किल टोला हाणला. मी तसा कपड्यांचा शौकिन नाही. फक्त ते स्वच्छ आणि कडक इस्त्रीचे असावेत. येरागबाळ्यासारखे राहायला आवडत नाही मला. पण एक आहे. मी अजूनही कपडे घालूनच फिरतो हं… असा ठाकरी टोला त्यांनी लगावला.

उद्धवच्या कामावर बाळासाहेब समाधानी
मराठी माणसावर होत असलेल्या अन्यायाबद्दलच्या चिडीतून शिवसेनेची स्थापना झाली. वाचा आणि थंड बसा… अशा सदराखाली मार्मिकमधून व्यंगचित्रे काढायचो. खूप प्रतिसाद मिळायचा, पण मराठी माणसं खरोखरच थंड बसलेली. मग मी मथळा बदलला. वाचा आणि उठा… मग एकदम रान उसळलं.. अशी आठवण त्यांनी सांगितली. वसंतसेना, सदाशिवसेना अशी अनेकांनी शिवसेनेची टिंगल केली. परंतु वसंतराव नाईक किंवा स. का. पाटील यांनी सांगितले आणि मी केले, असे अजिबात झालेले नाही. मी माझ्या पद्धतीनेच गेलो… असे सांगतानाच आता उद्धवनेही शिवसेना मजबुतीने सांभाळलीय. त्याबाबत मी समाधानी आहे… अशी कौतुकाची थाप ठाकरेंनी उद्धवच्या पाठीवर ठोकली.

‘ डिस्कव्हरी ’ यानाचे उड्डाण २४ तासात सलग दुस-यांदा पुढे ढकलण्यात आले आहे. याआधी मंगळवारी सकाळी होणार असलेले उड्डाण मुसळधार पाऊस, वेगाने वाहणारे वारे अशा प्रतिकूल हवामानामुळे पुढे ढकलण्यात आले होते.

‘ नासा ’ ने दिलेल्या माहितीनुसार, ‘ डिस्कव्हरी ’ यानामधून जाणार असलेले अंतराळवीर संशोधनासाठी अवकाशात उभारलेल्या आंतरराष्ट्रीय अंतराळ स्थानकाची (इंटरनॅशनल स्पेस स्टेशन) डागडुजी करणार आहेत. त्यासाठी अंतराळवीरांना तीन वेळा प्रत्येकी साडेसहा तास स्पेसवॉक करावे लागणार आहे.

पुण्यात अडीच वर्षाच्या मुलीसह तिघांचा स्वाइन फ्लूमुळे मृत्यू झाला. नाशिकच्या ताई अरुण बागल या अडीच वर्षाच्या मुलीला लोणी प्रवरा येथील हॉस्पिटलमध्ये दाखल करण्यात आले. तिला श्वास घेण्यास त्रास होत होता. सर्दी, खोकला आणि ताप यामुळेही ती त्रस्त होती. तब्येत बिघडू लागल्यामुळे तिला पुण्याच्या कमांड हॉस्पिटलमध्ये दाखल करण्यात आले. तिथे उपचार सुरू असतानाच शनिवारी संध्याकाळी चार वाजता तिचा मृत्यू झाला. याआधी शनिवारी दुपारी अडीच वाजता भारती हॉस्पिटलमध्ये उपचार घेत असलेल्या कमल वागळे या ४२ वर्षाच्या महिलेचा मृत्यू झाला. पुण्याच्या बालाजीनगर येथे राहणा-या कमल वागळे यांना सर्दी आणि श्वास घेण्यास त्रास होत असल्यामुळे हॉस्पिटलमध्ये दाखल करण्यात आले होते. या व्यतिरिक्त उज्ज्वला रमेश वाघचौरे या ३६ वर्षाच्या महिलेचा ससूनमध्ये मृत्यू झाला. आंबेगाव तालुक्याच्या उज्ज्वला वाघचौरे यांचे रविवारी पहाटे साडेपाच वाजता निधन झाले. दरम्यान, जालना जिल्ह्यातील अनिल शेषराव चव्हाण या २६ वर्षाच्या तरुणाचा मृत्यू स्वाइन फ्लूमुळे झाल्याचे डॉक्टरांनी सांगितले.

“स्वाइन फ्लू’मुळे आज ताई अरुण बागल (जि. नाशिक) या अडीच वर्षांच्या मुलीचा व कमल वागळे (वय 42, रा. बालाजीनगर, पुणे) यांचा मृत्यू झाला.